Ne Cejne ne Seyrane Şiiri - Mehmet Çoban ...

Ev çi dimen çi dûmane? Fîgana, fixana dilane,
Zordestî ya neyarane, hawarîya me gelane!
Derdê welat pir girane, deşt û zozan lê xopane…
Mal wêranin gund xeranin, xemgînîya me gelane.

Ev zor dewlet yê Tirkane, dijrabûna me Kurdan e,
Ev şerek pir girane, dijminê hov me nikare;
Ev ne cejne ne seyrane, rêvîtîya me şêrane…
Bo hebûna azadîyê axa me jî niştimane.

Têkoşına hevalane, rizgarîya me gelane,
Berxwedane, hewldane, şanazîya şoreşane
Darbest anin ser milane! tilîlîya dayikane…
Nav de canê şehîdane xemla ser wan ala me ye.

Karker hatin kedkar hatin îro doza me gelane,
Rêveçûna keç, xortane koma wan jî cengawere…
Serîhildan tim hebûne, dîl, xulamî tu ne tişte
Bextîyarî yekîtîye! welatê me Kurdîstan e.

Mehmet Çobanoglu
05.07.2O12
Stenbol