Mirajı hanı Şiiri - Sevinc Arzulu

Başında dururmu başbilənlərim.
Yoxsa tutub üzün hərə bir yana.
Ay sınıq könlümü daş bilənlərim.
Alovdan çıxaraq düşdüm giryana.

Al rəngli güllərdən gətirbəgətir,
Rahiyən yayılır ətirbəətir.
Baxıram, oxuram sətirbəsətir,
Bu vaxtsız ölümün mesajı hanı.

Zamanın gərdişi belədir, gülüm,
Azalmır fələyin verdiyi zülüm,
Qarşımı kəsir bax gör neçə ölüm,
Bu həyat lövhəsi.Peysajı hanı.

Səni necə uddu qaranlıq, toran,
Gedərək qoymusan dünyanı viran.
Surətin görünür gözümə hər an,
Ah, xəyal dostumun mirajı hanı.