Min Dît Derdek Şiiri - Zandar Amari

Min dît derdek bi êş û kul
Roj bi rojê girane
Bax nedîtî hin kesk û gul
Warê min her wêrane

Dîwarên dil bi qelş û qul
Rewa nîne ava kim
Bê wan lêvên tijî sorgul
Mirî me ka çawa kim

Min bihûşta canê xwe dî
Lêbelê zu winda kir
Kesî rewşek weha nedî
Enîvîsê peyda kir

Çûyî kerwan kengî werê
Da bidê xweş mizgînê
Reştarîya şevan herê
Dêmgula min ewna bînê

Bi nale nal ji bêrîyê
Dilê reben xemgîn e
Bi nebûna bisk zêrîyê
Jîn li min bê rengîn e