Men Vermisen,ilahi Şiiri - Sevinc Arzulu

Tutmazmı ki heç qəzəbin,
Pozulmaz ki düzənim.
Bu dərdi, bu əzabı,
Şən vermisən, İlahi.

Segahmı Şur əvəzi,
Murovdur Tur əvəzi.
Səmama nur əvəzi,
Çən vermisən,İlahi.

Uymaram yad felinə,
Düşmərəm dağ selinə.
Sarışın, cod telimə,
Dən vermisən, İlahi.

Gözəl yazdın qədəri,
Getməz ömrüm hədəri
Sevinci, həm kədəri,
Tən vermisən, İlahi.

Yuxu yozmaq eşqini,
Səhvi pozmaq eşqini,
Şeir yazmaq eşqini,
Sən vermisən, İlahi.

Belədir qanun-qayda,
Insanlıq gələr soydan.
Sevincə özü boyda,
MƏN vermisən, ilahi.