Maksadı Âşıkların Şiiri - İbrahim Nakşi

Maksadı âşıkların
Vâsıl-ı cânân olur
İsmini yâd eylese
Vâlih-i hayrân olur

Hak vere cünbüşlerin
Afv ede kem işlerin
Menzili dervişlerin
Kûşe-i vîrân olur

Kılsa tecellî ezel
Vuslata erişe er
Kâfire kılsa nazar
Mazhar-ı îmân olur

Fânî cihânda kesil
Âyine-i kalbini sil
Arsa-i mahşerde bil
Bir ulu dîvân olur

Mürşîdi hem kim görür
Hazreti Hakk’ı görür
İlm-i ledünnü okur
Sâhib-i irfân olur

Aşk ile kim âh ede
Kalbini agâh ede
Azmini dergâh ede
ol ulu sultan olur

Nakşî âşık sana
Aşk haberin ver bana
Menkıbe-i evliyâ
Reşk-i gülistân olur