Libâsı N'eyler Olınca Tenâsüb-i A’zâ

Libâsı n'eyler olınca tenâsüb-i a’zâ
Yerinde cümleten esbâb-i hüsni ser-tâ-pâ

Kıyâma gelse hırâm eylese kıyâmet olur
Anı görün hele tursun o kâmet-i bâlâ

Şikâr olur sanur iller bana ol âhûyı
Rakîb-i seg ider ammâ ki anı hep peydâ

Revân olursa n'ola hâk-i pâna sîm-i sirişk
Ayaguna senün ey serv-kad akar dünyâ

Arayı tîg-i kalem kat’ idermiş ey Sâmî
Kılıçla söyleşürüz gâfil olmasun a’dâ