Keremi hâk-nişînânadur ehl-i keremün
Güher-efşân-i sevâhil olur emvâcı yemün
Bî-vücûdân ile ülfet sebeb-i rif’atdür
Bir iki nokta ider rütbesin efzûn rakamun
Sohbet-i bî-edebân gûş-i hırâş-i dildür
Perdesüz sâzda hîç lutfı olur mı negamun
İbni vakt istemez el-leyletü hublâ lafzın
Anma hâl ehline müstakbel ü mâzî elemün
Pençe-i mihre bedel itdi bu nazmı Sâmî
Himmet-i pîr ile feyz-i nefesi subh-demün
Kayıt Tarihi : 3.6.2016 17:01:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!