Kaldı Ayakda Cür’a Sıfat Hâtır-i Harâb

Kaldı ayakda cür’a sıfat hâtır-i harâb
Mest-i müdâmuz âh ki yıkdı bizi şarâb

Tohm-i ümîd hâsıl ola dirdüm olmadı
Yagdurdum ana eşk-i teri nitekim sehâb

Zinhâr gaflet eyleyecek yer degül sakın
Sandun bu dâr-i mihneti var ise cây-i hâb

Agyârun iştihâsı kavî hân-i vasluna
Darb ile men’ olunmadı taşlar yidi kilâb

Gitdi safâsı meykedenün kalmadı meze
Görüp çekildi bâde kesildi o dem kebâb

Müşkil degül midür içe men’ ide muhtesib
Hem iltizâm ide şarâbı hem ihtisâb

Sâmî bu âbdâr [ü] bu hem sûznâkdür
Eş’âra kimse virmedi bu resme âb ü tâb