Ji Min Nereve Şiiri - Mehmet Çobanoğlu

Lê ronahî ya dilê min
Gul vedana şitilan e
Ez bi qurbana axa me
Tim evîna her dilan e

Gul, sisinan dorlêgirtî
Min nereve, bextê te me
Tu şefeqî tu berbangî
Bi rojane bendê te me

Lê bedewê, lê zarxweşê
Çixilê ter, bêgul nabe
Tu dilketî, tu evînî
Dilê min bête şanabe

Çi dibe ji min nereve
Yar li min dûr nemîne
Ji ber eşqa te nexwşim
Were, li ba min bimîne

Wek zengilok wek bilbilan
Dilê min teyrê rebene
Evîna min em çi bikin
Neyarê me pir qehpene

Çi dibe min wêran neke
Evîngermî ya dilê min
Daxwazim xwe bişêwêre
Tim eşkere were ba min

Mehmet Çobanoglu
20.05.2022
Stenbol