İlğım, ezizim Şiiri - Sevinc Arzulu

Günəşin zəriylə bur tellərini,
Daha da bəzəsin nur tellərini.
Dəniz tək dalğalı gur tellərini,
Uzaqdan mən necə yığım, əzizim.

Burda xatirələr gəlməyir vecə,
Hər tərəf qaranlıq, hər tərəf gecə.
Səni tək buraxdım.İndi mən necə
Daş məzar altına sığım, əzizim.

Acı göz yaşların çiskin deyil ki?
Ürəyin dünyadan küskün deyil ki?
Mənsiz keçirdiyin pis gün deyil ki?
Bir də görüşümüz ilğım, əzizim.
25.04.2018