Hattun Ki Gird-i Câm-i Lebünden Zuhûr İder

Hattun ki gird-i câm-i lebünden zuhûr ider
Âb-i hayât-i zulmeti pür-mevc-i nûr ider

Olmaz gelû-girifte-i imsâk sîr-i hüsn
Gül-bûse-i femünle nigâhum fatûr ider

Jeng-âver-i gubâr iden âyîne-i dili
Kuhl-i gamı keşîde-i çeşm-i sürûr ider

Hamyâze-rîz-i hasret olan ‘îde şimdiden
Şekl-i hilâl-i rûzeyi câm-i bilûr ider

Ehl-i melâmete şerer-i seng-i kûdekân
Îkâd-i mürde-şem’-i harîm-i şu’ûr ider