Gül düzümü Şiiri - Sevinc Arzulu

Sənsən sözümün başı,
Parlar közümün qaşı.
Bilsən gözümün yaşı,
Yandırır gül üzümü.

Söz eşidək ozandan,
Eşqə nəğmə yazandan.
Payız rəngli xəzandan,
Səninçün gül üzümmü.

Vurğunam mən sənə tək,
Ahım duman- çənədək.
Sıralanır sənədək,
Sonsuzdur gül düzümü.

Yaşasın saf məhəbbət,
Bitsin artıq bu həsrət.
Söylə bir nədən zülmət,
Etmisən gündüzümü.

Fərəhim qatar-qatar,
Sevincim göyə çatar,
Gəlişinlə ay batar.
Nur edər gün düzümü.