Gul Bilbilan re Vejîne

Pel tune be gul nahewe
Gul çiqilan de bedewe
Dest nedin gulîyên gul ê
Pir tenike zû ditewe

Zozanan de gul tijîne
Gul bilbilan re vejîne
Gul xemla ser axa me ye
Wele havin diqijîne

Ew gula sor, gula pêrî
Qêmîş nakî gul binêrî
Bilbilan re gul evîne
Bextê gul ê here serî

Gul ê xîpan veqetînîn
Şaxê gulan neqetînîn
Gul çi be, evîn jî ewe
Ji me re şadîyê bînîn

Kezeb min hilweşinîn
Bibila gul neqirînîn
Evîna gul dil û cane
Şaxên gulê neşêlînîn

Mehmet Çobanoglu
23.06.2019
Stenbol