Gözel gülüm Şiiri - Sevinc Arzulu

Yerə düşüb gözəl gülüm,
Əlim çatmır götürəm.
O gül mənim özəl gülüm,
Sinəm üstə ötürəm.

Çəkərək hər qayğısını,
Qoyacam güldanıma .
Sev gözəllik duyğusunu,
Başqa bir gül tanıma.

Bir zaman bal xatirələr,
Indi alıb qoynuna.
Sorğuma lal xatirələr,
Nədən salıb oynuna...

Mənim qızılgüllə bağlı,
Kədərli xatirəm var.
Görəsən o cavan sağmı,
Yoxsa məhv edibdi xar?

Deyirəm ki saf sevginin,
Daim qədrin bilək biz.
Unudub nufrəti, kini
Məhəbbəti bölək biz...