Göründü melek Şiiri - Sevinc Arzulu

Qaldırammaz yad daşımı,
Ya qayamı,ya daşımı.
Neçə dəfə yaddaşımı,
Eyləmişəm ələk-vələk.

Sonacan dolmadı badəm.
Cavan ömrüm getdi badə.
Qəlbiç geniş,özüm sadə
Bilməz idim hiylə-kələk.

Mən dünyayam,ərzi-kürrəm.
Solamz inci,parlaq dürrəm.
Yaşayırdım şadi-xürrəm,
Bəs niyə ağlatdı fələk.

Nədən artırdı cəbrimi,
Imtahan etdi səbrimi.
Dərin qazarsız qəbrimi,
Torpaq olar isti bələk.

Sevinc,gülü solan koldum,
Əcələ gedən ağ yoldum.
Bu dünyadan gedər oldum,
Gözümə göründü mələk.