Gördüm fürûg-i hüsn ile bir ak sâdeli
Mihr-i seherveş eyledi işrâk sâdeli
Dönmiş beyâz-i şîşede bir kırmızı güle
Olmış o rûy-i al ne berrâk sâdeli
Âgûşumı miyânına âh eylesem nitâk
İtdi o mâh tâkatümi tâk sâdeli
Nâ-dîdedür gönül bu açılmış gül-i sefîd
Gel gel şikâf-i sîneye pek bak sâdeli
Sâmî beyâz-i safhada ol şûh-i sîm-ten
İtdi zebân-i kilkümi intâk sâdeli
Kayıt Tarihi : 3.6.2016 17:56:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!