Gelersen bir gün Şiiri - Sevinc Arzulu

Gətirmə xoşbəxtlik iqtibasından,
Uzaq dur yalanın zər-zibasından.
Bezərək dünyanın qəm libasından,
Ölərəm.Üstümə gələrsən bir gün.

Həqiqət yalanla nədən barışıb,
Ocağı közüylə yaman qarışıb.
Həsrətin oduna aşkar alışıb,
Yanaram.Tüstümə gələrsən bir gün.

Dilərəm cahanda mənsiz çox yaşa,
Həyatın amansız çatmasın başa.
Sinəsi şəkilli bir mərmər daşa,
Dönərəm.Büstümə gələrsən bir gün.
04.02.2015