Dilo dîno tu war bi war digerî
Nikarim derdê te bikşînim dilo
Wekî mozê ji her kulîlkê distînî
Nikarim derdê te, bikşînim dilo
Keçê çarde salî, ji min duxwazî
Ji deng û gemara evan bajaran
Were em herin zozanan dîlber
Ji kîn û kerba evan dilsaran
Were em herin zozanan dîlber
Herin zozanan nav bexçê hêşîn
Rêya min, ber bi bajarê Amedê ket.
Li kel û kaşxaneyên vî bajarê wêran gerîyam.
Min dît ku di şuna şalur û bilbilan de kundê kor dixwînin.
Min ji kundê kor pirsî, got:
"Rewşa vî bajarî ci ye, çawa diçe,
Di derheqê vê wêranîyê de çi dibêjî?
Çum bajarê Helepçê, min dît reşî û wêran
Goristana şehîdan, agir ber dide dilan
Ber âbîda şehîdan, min guhê xwe da axê
Tev lanetê dixweynin, li vê dewr û li çaxê
Bixwin efendino bixwin, wek malê dê û bavê xwe
Ger we zikê xwe têr nekir, hinekî têxin çavê xwe
Tev ê we ne efendîno, qesr û qonax welat û war
Giştî bixwin bikin serbar, bixwin û bibin gurê har
Dengê şalûr û bilbilên awaz
Ket deşt u dolan, dikin bangewaz
Tembur dibêje, lêdixîne saz
Îro bihare, Newroz hatî ye.
Li gulîstanê, dawet û dîlan
Bihar û havîna, bêxêr û bêkêr
Ji deşt û newalê, bejî çêtir e.
Ji sohbet û qala, nezan û nemêr
Xeyala alim û sofî çêtir e.
Parîyê axa û began û mîran
Ji însanên xwedî mal û mulk re nabên dewlemend,
Ji însanên qenaetkar re dibên dewlemend.
Însanên ku çavbirçî be û ne qenaetkar be,
Di nezera Xaliq û xelkê de xizane çend.
Qenaetkar jî, çiqas feqîr û xizan be,
Di nezera xelkê de dibe dewlemend
Di bin wê çarşefa reş da
Min çavên reş û belek dît
Di bin wan lîbasên reş da
Min ebruyên wek kevan dît.
Mijgul wek tîr li dil ketin
Şevên zulmat û deryayê
Ji Amedê xeber nayê
Şikestî pişta de’wayê
Dozam xerab buye dayê
Dayê me yek bi yek kir rê
Bu şaire henüz hiç kimse yorum yapmadı. İlk yorum yapan sen ol!