Fezâ-yi Dil-güşâdur Sahn-i Zîbâdur Ferah ...

Fezâ-yi Dil-güşâdur Sahn-i Zîbâdur Ferah-zâdur

I
Fezâ-yi dil-güşâdur sahn-i zîbâdur ferah-zâdur
Safâlar eyle Sa’d-âbâda gel şevketlü hünkârum
‘Aceb ra’nâ ‘aceb zîbâ ‘aceb cây-i temâşâdur
Safâlar eyle Sa’d-âbâda gel şevketlü hünkârum
II
Akar su havz memlû kasr dil-cû sahn ‘anber-bû
Letâfet üzre el-hak her taraf cây-i safâdur bu
Nazargâh-i şehenşâh olmaga şâyestedür her sû
Safâlar eyle Sa’d-âbâda gel şevketlü hünkârum
III
Serâyburnı Beşiktaş Üsküdar ü kasr-i Tersâne
Cihân bâgında yokdur gerçi bunlar gibi şâhâne
Velî gayrı mükerrerdür bu tarh-i pâdşâhâne
Safâlar eyle Sa’d-âbâda gel şevketlü hünkârum
IV
Olup mânend-i gül tab’-i şerîfün hurrem ü hoşter
Hemîşe cilvegâh-i devletün olsun safâ-güster
Du’â idüp bunı bülbül gibi Sâmî kulun söyler
Safâlar eyle Sa’d-âbâda gel şevketlü hünkârum

Arpaeminizade Sami
Kayıt Tarihi : 1.6.2016 18:12:00
Yıldız Yıldız Yıldız Yıldız Yıldız Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!

Arpaeminizade Sami