Ez SÎwarê Hespê Hêşînim

Keça min e delal min qurbana xweke
Here hespê min bîne barê min lêke
Kesera min xerêbîyê de zêde bû
Ez rêwîyê rêya dûrim min rêwîke

Keça min rojane li ser min baran e
Derdê xerîbî yê ji min re giran e
Nanê min hazirke min ji vir rêwîke
Ezê ji vir herim gundê me Şewan e

Keça min bi rastî sebra min tu nema
Bi salane ez ketim nav derd û xema
Di nav hişê min de Qaqizman û Qers e
Tu zanî gund ji bîra min naçe lema

Keça min ax û warê me pir şêrîne
Her zozanên wî de gul, kulîlk tijîne
Delala min ezê rabim ji vir herim
Ji hesreta gund dil min diqijîlîne

Keça min ez sîwarê hespê hêşînim
Salane ez tim rondika dibarînîm
Keça min were te hembêz bikim biçim
Lê ezê tim te re nameyan bişînîm

24.08.2016
Stenbol