Ez Rêwîyê Rêya Dûrim Şiiri - Mehmet Çoba ...

Dilo dilo dilê min, xew nakeve nav çavê min
Ev çiyîye min qewimî? birîna min jî pir kûre
Ez bêkesê, pepûkê îro jî li min şîvane
Derdê min pir girane, li min êşe min kesere

Ax li min belengazê, ez rêwîyê rêya dûrim
Bêhêzim û bêqudûm; ketim li nav kend, newalan
Dilê min dişewite, ez agirim ez kozirim
Nizanim ji bo çîye? çem û kanî av nadin min

Bihar min xeyîdiye gul, kulpêkên min çilmisîn
Saleine ez wihame, min nalîne ez dinalim
Ximexima dilê mine, li min axe min zararîne
Min girîn û qîrîne, hêstirên min diherikin

Ez rabûm ez rêwîme, ez rêwîyê nivê şevê
Derdor bi devî tijî, ez bi tena serê xwe me
Her der jî lat, zinarin robara de mişkin, marin
Ax limin limin limin goştê canê min qetandin

Dilo dilo dilê min, li min xeme û xeyale
Bigerim û naegerim her der min re mij, dûmane
Dem min re tim bagere welatê min dûrî mine
Ez rêwîyê rêya dûrim dilê min de Qaqizman’e

Mehmet Çobanoglu
20.04.2012
Stenbol