Eyleme Âşıkları Nushunla Bîzâr

Eyleme âşıkları nushunla bîzâr ey hatîb
Makdeminden ehl-i diller oldu pür-zâr ey hatîb

Mal-ı evkafı yemek fikriyle çıktın minbere
Sanma kim gönlünde vardır havf-i Cebbar ey hatîb

Kavl u fi’lindir muhalif birbirine her zaman
Muttekîsin zâhirâ bâtında gaddar ey hatîb

Nefsin ıslâh eyle sonra kıl nasihat halka kim
Eylesin nushun senin te’sîr ağyar ey hatîb

Cev-fürûş kendüm-nümasın sen dahi Şevket gibi
Setr kılsın cürmümüz Satâr u Gaffâr ey hatîb