Ey Turre-i Ham-der-ham-i Hem-râz-i Mahabbet

Ey turre-i ham-der-ham-i hem-râz-i mahabbet
V'ey çeşm-i siyeh-mest-i füsûn-sâz-i mahabbet

Sayd itmege murg-i dili hâmûn-i kazâda
Sad pâre ider pençe-i şeh-bâz-i mahabbet

Âyîne-i ruhsâra dil olursa nazar-pâş
Mecrûh ider nişter-i âzâr-i mahabbet

Ol dil-ber-i âfet-nigehün çîn-i cebîni
Emvâc-i yem-i hüsn-i ser-efrâz-i mahabbet

Gönlümde hayâl-i leb-i mey-gûn ile Sâmî
Şeb tâ-be-seher cilveger i’câz-i mahabbet