Ey Gidi Mercansuyu Şiiri - Mustafa Hoşoğlu

Ey Gidi Mercansuyu

Ey gidi Mercansuyu
Epanas in da livas
E sevdam da mağulas
Edaris in kolivas.

As pam so Kavgadüzü
Emas permen i Pala
Da neras ine kriya
Erodimesa pola.

Embroğat ine da za
Elebide don Ali
Deyi napay son barxar
Nevrişe ena stali.

Mazutala, fteriya
Na kofto da votana
Anemos anda fisa
Şurizun da potama.

Ekseva so Soğuksu
Nabağo anefara
Do Kangel fisa ime
Peto omon farfara.

Da şona elodane
Da kürtük a in başı
İ Parma ce do Görnek
Terune sa Ağaçbaşı.

Erazo da broğada
Si raşam i debanam
Sa raşiya mirolo
Don cirim ce di manam.

Da Ağaçbaşı davenis
Erde i Seslikaya
Olin pane pinefta
Dar doma in makreya.

Nde davane dahronam
Nekserna piyos metra
Do zo erayev voşki
İ Taşlı olo petra.

So Mal epan i Şehit
Permenun da raşiya
İ kardiyam uyela
Da derdam in paşeya.

Dabsomo sin kuzina
Eğo pseno mayreya
So Limonsuyu epis
Elepis di mavreya.

Do koriz uperime
Navrixo ena şera
Pola eksero ama
Dala leğo iştera

Mustafa Hoşoğlu
02.03.2018