Xeyirlə açdıq səhəri,
Ana boğammır qəhəri.
Keçib neçə kənd-şəhəri,
Evinə əsgər qayıtdı.
Qovuşacaq dağ çayları,
Tanrım, hey artır sayların.
Hərbdə keçirdib ayları,
Evinə əsgər qayıtdı.
Qoyar eşqin binasını,
Süzər ellər sonasını.
Qucaqlayar anasını,
Evinə əsgər qayıtdı.
Ayrı düşənlər, qovuşun,
Zalım həsrətdən sovuşun.
Necədir zəfər, soruşun,
Evinə əsgər qayıtdı.
Qüdrətini yaşa vurub,
Hiddətini daşa vurub.
Xidmətini başa vurub,
Evinə əsgər qayıtdı.
Sevinək, əsgər qayıtdı.
Kayıt Tarihi : 5.8.2021 06:55:00





© Bu şiirin her türlü telif hakkı şairin kendisine ve / veya temsilcilerine aittir.

Bu şiire henüz hiç kimse yorum yapmadı. İlk yorum yapan sen ol!