Erk etmedim Şiiri - Sevinc Arzulu

Birgə danışıb –güldüyüm,
Sirrimi yarı böldüyüm.
Düşmən çıxdı dost bildiyim,
Bir də ona ərk etmədim.

Ağararmı qara xana,
Həsrət çətin işin dana.
Çəkdiyim ağrıdan yana,
Ürəyimi bərk etmədim.

Qurban demişdim canımı,
Zülmət etdi hər anımı.
Axıtsa da al qanımı,
Bu meydanı tərk etmədim.

Su qatdı isti aşıma,
Həkk olundu yaddaşıma.
Baxıb ölən qardaşıma,
Eh, nədənsə körk etmədim.

Pozdum hicrin oyununu,
Qurda verdim qoyununu.
Yumşaq, isti qəm yununu,
Daratdırıb kürk etmədim.