El uzatmışam Şiiri - Sevinc Arzulu

Sevən aşiqinin sözündən öpüb,
Külək məhəbbətin közündən öpüb.
Gecələr hicranın üzündən öpüb,
Gündüzlər həsrətə əl uzatmışam.

Tale yazısını fərəhli yazsın,
Qoymasın ümidim zülmətdə azsın.
Öldürüb, qəbrimi özü də qazsın,
Əzazil xiffətə bel uzatmışam.

Bir zaman səmadan çaxıb ki məni,
Qızaran şişə də taxıb ki məni.
O qədər yandırıb-yaxıb ki məni,
Qocalan nifrətə dil uzatmışam.
23.02.2015