Düzen oldu, gel Şiiri - Sevinc Arzulu

Yer-göy sabit qalandı.
Göylərdən od calandı.
Zirvələr parçalandı,
Hər yer düzən oldu, gəl.

Görüb şən əhvalımı,
Tərs oxudub valımı.
Dəyişdirib halımı,
Məni üzən oldu, gəl.

Ələyib yaddaşını,
Unutma sirdaşını.
Sənin qəm yoldaşını,
Əyri süzən oldu, gəl.

Dost dəyməz dost xətrinə,
Bürünər gül ətrinə.
Şerimin hər sətrinə,
Ağız büzən oldu, gəl.

Külək yel darağıdı,
Telinin marağıdı.
Könlümün aradığı,
Parabüzən oldu, gəl.