Düşecem bir gün Şiiri - Sevinc Arzulu

Meyvəsi soğulmuş bir bağa dönüb,
Qapqara boğulmuş torpağa dönüb,
Küləkdən sovrulmuş yarpağa dönüb,
Ayağın altına düşəcəm bir gün.

Məğlub eyləyibən həsrət divini,
Alovda yandırram dərdin evini.
Sənlə bağlı olan qəm arxivini,
Başdan-ayağadək eşəcəm bir gün.

Uca çinar ilə yaşıd olacam,
Ömrün payızında yaşıl olacam.
Səninlə birlikdə yaşa dolacam,
Həsrətin odunda bişəcəm bir gün.