Duman meni Şiiri - Sevinc Arzulu

Güllərin üstünü qar alıb gedib.
O gözəl təbiət saralıb gedib,
Qaranlıq guşəyə gedib çıxaram,
Azdıra bilməz ki bu duman məni.

Xəyal göylərində qəfil çaxaram,
Buludun gözündən narın axaram.
Həsrəti yandırar, hicri yaxaram,
Yolumdan döndərməz heç güman məni.

Salamat dostlarım yad etməsə də,
Yaralı könlümü şad etməsə də.
Kimsə sevdiyimə ad etməsə də,
Unutmaz gözünü tez yuman məni.
30.04.2018