Mən ki inanmazdım təsadüflərə,
Bilməzdim çevrilər, qismətim olar.
Elə bağlanaram, elə sevərəm,
Bircə gün görməsəm, çox çətin olar…
Təzə il, gəl bu gecə ömrümüzə nur ələ sən,
Açginən boxçanı, göstər, nə gətirdin hələ sən…
O qədər şey dilədik yollarına arzu deyə,
Kaş ki duysun ürəyin arzumuzu, bir biləsən …
Mən onun dünyaya gələn ilini,
Gününü, ayını unutmamışam …
Məni yoldan edən şirin dilini,
Səsini, hayını unutmamışam …
(Uçak kazasında hayatını kaybeden hostes Hökümə Əliyevanın ruhuna dərin ehtiramla)
Şair sənə demişdi ki, əzəldən
Quş qanadlı uçaqların qızısan…
İndi daha ruhun gəzir göylərdə,
İndi daha uzaqların qızısan….
Yenə yağış yağır şəhərin üstə…
Yenə xatirimə gəldi ilk görüş…
Damlalar bərq vurur tellərin üstə …
İslaq küçələrdən o ilk yürüyüş….
Onda xoşbəxt idik sənlə ikimiz,
Bağa girsən bağbanından izin al,
Qoxlamağa kolunda gül yaxşıdı…
Cəh-cəhindən bütün quşlar utanar,
Çağırmağa gülü, bülbül yaxşıdı …
Bu eşq daha el içində utanır,
Söküyünü yamamaqdan yoruldum…
Dedim, bəlkə ağıllanar, düzələr…
Səni hər gün sınamaqdan yoruldum…
Baxma ki ayrıyıq, darıxırsansa,
Arada dolan gəl, keç ürəyimdən…
Qəriblik eləmə, öz evin kimi
Sevdiyin bir küncü seç ürəyimdən…
Ürəyimi…
Taledən, qismətdən gen qaçmaq olmur,
Mən sənə vermişəm öz ürəyimi…
Deyirlər qəlizəm, baş açmaq olmur…
Sən adam sərrafı….çöz ürəyimi…
Yaş süzülən görməyim o büllur yanağından,
Qaşların çatılmasın, ürəyin qəm yeməsin…
Ayrılıqdan başqa söz çıxmırsa dodağından,
Eləcə sus bax mənə, dilin heç nə deməsin…
Bu şaire henüz hiç kimse yorum yapmadı. İlk yorum yapan sen ol!