Dil Dinale Dil Nalîne

Birîndarê derd û kulan
Dil xemgîn e, roj û salan
Mij û moran xelasnabin
Agir berdan hemû malan

Hawarî ket roj û şevan
Qajînî jî dê û bavan
Ximexim tê xwîna gewez
Yar digîrî bi her çavan

Berxwedana jin, mêran e
Gurçik, kezeb ber kêran e
Dil dinale dil axîne
Bêkesa min derd giran e

Tu car bêwar, qebûl nabe
Dilê bêbextan venabe
Azadî ya me daxwazim
Yarê tu jî tev min rabe

Gelê me hemû dilxwazin
Tim biratî yê daxwazin
Evîna min bizanibe
Kesên bêbext war naxwazin

Mehmet Çobanoglu
06.07.2021
Stanbul