Deyib durur Şiiri - Sevinc Arzulu

Şirin dil, yalvarmaq gəlməyir kara,
Geysə də sözlərim rəngbərəng xara.
Yenə nə olubdur alagöz yara,
“Bu vüsal günləri çox” deyib durur.

Yalançı”həqiqət” özünü öyür,
Ocağın atəşi közünü öyür.
Çiçəkli xatirən gözünü döyür,
Saralmış ümidlər “yox” deyib durur.

Məhəbbət əbədi ömrün tacıdır,
Vüsal çox şirinsə, həsrət acıdır.
Bilirsən, nə yaman yeri acıdır,
Yaralı könlümə ox dəyib durur.