Derî Şiiri - Velat Durdu

Hatim ber derîyê te .
teva kul,birîn û derdê xwe .
lexist li derî û te vekir.
xerîbek bûm ez,tû jî ji minre xerib.
Bes hezar salin me hev nas dikir.
çavên me hev dû nas kir.
Birinên me
Axa me
Xwîna me
Rêya me.
Me hev dû nû dit û hezar salin me hev dû nas dikir.

Hatim ber derîye te.
Bi dil,qimet,evîn û bawerîya xwe.
Derî bû derîyê me .
Bawerî bû rêya me.
Evîn bû sebra me.
û
Hevaltî bû armanca me.
Me derîyê xwe girt û dilê me bûn agirê welatê me.
Hatim ber derîyê xwe !
Bi evîn,hesret û keda xwe .
lêxist deri û xeribek vekir.
xerîbek ķû, bi hezar salan nas dikim.
xerîbek kû,bêhna hêsrên çava zanim.
xeribêk kû, dengê dilê wê zanim.

Hatim ber derîye te.

hatim ber derîye te û vegerîyam.
Qehr,Hêrs,Hêvî,Evîn û dilê xwe kir darek û hatim mala xwe.
Ew dar kire derîyek û agir berêda...

Derî bû derew,evîn bû xapîn,havaltî bû xerîbî
û
jîyan bu jehr...