Kükrəyən sellərimlə,
Yer döyən yellərimlə,
Titrəyən əllərimlə
Nəfəsinə toxunum
Mənim dəniz qoxulum.
Gecəm gündüzə dönüb,
Səhram gül düzə dönüb.
Işıqlı sözə dönüb,
Kitabında oxunum
Mənim dəniz qoxulum.
Nur siman yaddaşımda,
Xəyalın dağ başında.
Boğulum göz yaşında,
Gülüşündə yox olum.
Mənim dəniz qoxulum.
Baxışını düyanam,
Şeir-kəlam dünyanam,
Əbədilik röyanam,
Ay gözləri yuxulum.
Mənim dəniz qoxulum.
Məni taleyim saya,
Döndərə nurlu aya.
Paxıllıq dönsün yaya,
Yad gözlərə ox olum,
Mənim dəniz qoxulum.
Kayıt Tarihi : 30.10.2019 10:36:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!