Çiroz Şiiri - Aydın Kizir

Yek hebû, yek tune bû,
Dinya hemû zarok bû.
Jiyana wan qedekê bû.
Ez çiroka bêkesim.

Me digot bi biratî,
Ev e rêya aşitiyê.
Dil û ceger şewitî.
Ez çîroka bêkesim.

Ew gotin ji zarokan,
Helbestiya çîrokan.
Ew do hebûn, îro ka?
Ez çîroka bêkesim.

Di destê me de şekir,
Li mirovan belav dikir.
Bav û kalan xêr dikir.
Ez çîroka bêkesim.

Li çiyan kulîlk vebûn,
Tunebûn û hebûn.
Bi dar û gulan şad dibûn.
Ez çîroka bêkesim.