Çinbiyayéna To Dé Şiiri - Mutlu Esfer Fırat

tı şona
çemi vındené
waxt qeydino,
intizar manenimé
werté dı bajaradé.
weté dı bajaradé
benimé la u laser.
çımé ma hesira xo virra kené
goni bena axwa deyra,
mezge ma ze halene meşa temyakewté
her tija şodıridé
rüyé ma gıneno wara
ez bé to,tı bé mı kuna miyona rocé
né zanimé şodır o,né zanimé şan
né zanimé usar o, né zanime payız.
na caverdayine ki toré kewté
kardiya né jani para mı
qesé xırabi zoné mı serra remené
dıma tora çol u çolistanaderé
zawt u zuneti

tı şona
ez peneya peneyénedé
teynabiyayena todé mıreno,
azmené xora astareyané xoki beno
benoké toré me manere
seké tı boya xo mıré cane verdé.
nıkaki tı bı kuyé ax u eywaxa
jan toré,kesreté toré,
intizariyé,qaytkerdené tali mıré bıkuyeré.
tal tall ze dara puçé
xoxodé veşo
ne taniya mı gıné kesira
neki mı kes xodé veşna.
çol u çolistani
ziyar u diyari
koyi,tumi,dar u ber,
çemi,laseri,ini
tı kuli mıradnayi mara
nezano tı sené kesır biyake
tabiat mara mıradna..

tı şona
biriné mı bené tezé
derdé mı zé moreka kuné té ver
dünya talan bena
axwa çema bena züya
kerbeladé hazar goli bené peyda
hesiré Ana Fadima bené goniya laseri
jan gıneno sené mara.
axx yaré na dirbeté tı niya kerdé irbet
né çımi to kerdi kor
na sewda to dé feké kelpa ra
ma feké dost u dışmeni dé niya bimé rüsva..

tı şona
med-ceziri vındené
qılancıki bené tellalé fılaketa
gulistanadé guli qeydiné
bılbıl vengé xo keno vind
pepug roj waneno şewé hewndero bexté mıra
bexté mıra kutıki bené qudız
dosti dışmené nıka
mıradışi ene were xışımé todé

tı şiya
mıré ne can verda
ne şewq,ne eşq
ne kéf neki reqıs
çımané mıra roşti,
feké mıra fitika mı todé şiye.
ez niya reben,ez niya intizar
werté dı bajaradé
Xece ma né resné Siyamed'i
Keja Gulisoré ma dé Miré Paloyi
Sal teyna verna.

tı şona
Bitlisté ponc minaradé
azané ne na wendené
veré xozatidé mı né kışené
axwa Muradi né resena çemé Fıradi.
ez axıri biyo tar u mar
pergalé emre mıno şikiyo indi
na kersreté ki mıré kewté
no qar no kersır ki mıré

axx rüyé mı her tija şodıridé gına wara
ma piya kewtimé rocé
werté dı bajaradé.
werté dı bajaradé
ne zanimé arawa,ne zanimé veréşano
ne zaniméveréusaro,ne zanimé payızo peyén

mutlu esfer fırat
yazılış 11.06.2005
düzeltme 05.01.2010