Cevân-i Nâzenînüm Baksa Mir’âte Hicâb Eyler

Cevân-i nâzenînüm baksa mir’âte hicâb eyler
O nâzük verdi kendi âteş-i rengi gül-âb eyler

Bakıyye cür’a kor yârüm ne dem nûş-i şarâb eyler
Ayagına ‘arûs-i şevkümün gûyâ hızâb eyler

Suhan erbâbı yandı çerh-i bed-mestün cefâsından
O zâlim bezmine tûtî-i hoş-gûdan kebâb eyler

Der-âgûş eyleyüp ebrûsını ber-geşte müjgânı
Nigâh-i mestine semmûrdan bâlîn-i hâb eyler

Bilen mînâ-serây-i ‘işretün zûd oldugın zâ’il
Safâ-yi câm-i pür-sahbâyı kor seyr-i habâb eyler