Çeken olmaz Şiiri - Sevinc Arzulu

Deyim sözün doğrusunu,
Tapdım könül oğrusun.
Eh, ürəyin ağrısını
Mənim kimi çəkən olmaz.

Göz önündə qoşa şəkil,
Duman, qarşısından çəkil.
Məcnun kimi, Leyli təki,
Dərddən yerə çökən olmaz.

Sevdam əlçatmaz xəzinə,
Qıyma ki tənha gəzinə.
Kuzəmə su əvəzinə,
Göz yaşını tökən olmaz.

Atdım ayrılıq daşını,
Təzələdi yaddaşını.
Gülüm, bağrımın başını,
Sənin kimi sökən olmaz.