Çek meni Şiiri - Sevinc Arzulu

Məni sevdin ömrün gözəl çağında,
Qar olaram sənin sevgi dağında.
Istə,bir gün cücərərəm bağında,
Toxum olum,öz əlinlə ək məni.

Isitməyir səni atəşim,közüm.
Uzaqdasan ,yetəmmir sənə sözüm.
Sənsizlikdən elə qorxub ki gözüm,
Qoyma daha hicranınla tək məni.

Axan ulduz kimi qəfildən sönsəm,
O mavi göylərdən yerlərə ensəm.
Günlərin birində rəssama dönsən,
Ağlayan halımda elə çək məni.