Can bacı Şiiri - Sevinc Arzulu

Sənsiz keçiririk bu ad gününü,
Inan, söz-söhbətim qəlbimə sığmır.
Daha eşitmirik şirin ününü,
O gözəl gülüşün yadımdan çıxmır.

Evimiz necə də soyuqdur sənsiz,
Gözümün yaşı da qurumayır, bax.
Çiçək necə açar şehli çəmənsiz,
Tanrı da qüssədən qorumayır, bax.

Görsən tanımazsan indi anamı,
Çalışıb bizlərə səbir də verir.
Daha Tanrını da kimsə qınamır,
Sevdiyi insana cəbr də verir.

Sənin gənc taleyin qaldı yarıda,
Olmadı dərdinin heç bir əlacı.
Bircə xahişim var uca Tanrıdan,
Yerin behişt olsun sənin, can bacı.
23.05.2013