Bundan sonra Şiiri - Sevinc Arzulu

Sən mənim yolumun ,eh, hamarısan,
Sən mənim telimin meh tumarısan.
Sən mənim könlümün şah damarısan,
Mən kimi sevəcəm de bundan sonra.

Sənsiz qalan xatirələr ağlayır,
Hər bir ahı bulaq olub çağlayır.
Yoxluğun köz kimi ürək dağlayır,
Mən kimi sevəcəm de bundan sonra.

Ümidlərim son yarpaq tək kövrəlib,
Baxışlarım neçə-neçə göz dəlib.
Nə yaxşı ki Tanrı səni göndərib,
Mən kimi sevəcəm de, bundan sonra.

Addım-addımyaxınlaşarkən ölüm,
Qəm-kədər əl çəkməz.Hey verər zülüm.
Gərək məzarına sıəpilsin külüm,
Mən kimi sevəcəm de bundan sonra.

Aaltmış yaşa çatıb artıq sevdiyin,
Xam xəyala batıb artıq sevdiyin.
Ümidləri atıb artıq sevdiyin,
Mən kimi sevəcəm de bundan sonra.