Bûka File Şiiri - Mehmet Çobanoğlu

Şeng û şahî dilşahî, rabin werin dawetê
Welle bille dîlan e, em bikevin govendê
Zava xortê Kurdan e, bûk jî qîza Fîlan e
Dengê def û zurnayê, em şên bikin govendê

​Evîn û eşq pir xweş e, dil jî bo evînê ye
Xort û qîzên gelê me, werin werin dîlanê
Rewan şara Fîlan e, Îdir şara Kurdan e
Şeng û şahî dilşahî, rabin werin dîlanê

​Heyverona xwezayî, bibare bo dîlanê
Rabin serpê şên bikin, li qada vê govendê
Erez îşev dinale, ji şahî û kêfxweşî
Dengê def û zurnayê, bixemilînin qadê

​Bûka Fîle xweş zane, xew jî bûka Kurdan e
Li bo bûkê û zava, rabin werin vê danê
Wek bejna Araratê, bejna bûkê zirav e
Şeng û şahî dilşahî, rabin werin dîlanê

​Zava xwarziyê me ye, xwe egîdê gelê me
Aram e dilovan e, xelat hanîn pêşiya me
Her du alî bûnê yek, yek bûk e yek jî zava
Bûk û zava kêfxweş in, dilşadîne ji bo me

​Çemê me yê Erez e, kûr dikişe her û her
Dîlan e û govend e, keça Fîle bûka me
Dem xweş e zeman xweş e, dîlana me dimeşe
Kom bûn hatin gelê me, şewqa wan ket
dilê me

Hatin hatin tev hatin, met û xaltî tev hatin
​Qîza Fîle bûka me, zava xortê gelê me,
Lêxin lêxin lo lêxin, dengê defê xweş lêxin
Şeng û şahî dilşahî, geş bikin daweta me

​Bangî qîz û xortan kin, koma wan jî tev rakin
Şahî şengî dilşahî, bila bênë dîlanê
Bo bextewariya geş, mûman bi çiran pêxin
Bi kurdî bireqsin, pozên solan erdê xin
​
​Mehmet Çobanoglu
04.11.2010
Stenbol