Bu dünyanın yalanları Şiiri - Sevinc Arzulu

Bu dünyanın yalanları al-əlvan,
Bu dünyanın xeyir-şəri qoşadır.
Eh, özüyçün böyüyübdür qız-oğlan,
Zəhmət çəkmək, ömür vermək boşadır.

Dayanmışam sükut ilə üzbəüz,
Ağlayayanda göz yaşımı silir,bax.
Əzəl gündən bu fikirlər düzbədüz,
Övlad pisin qiymətini bilir,bax.

Nə edim ki övladıma düşkünəm,
Bir az sonra unudacam küsümü.
Harınlarmı düşüb mənim püşkümə,
Göz yaşıyla yuyuram hey üzümü.