Borcum ne qederdi? Şiiri - Sevinc Arzulu

Çatılıb həsrətin qaşı,
Toruna tez düşər naşı.
Eşidirik addımbaşı,
Bu ömür gəldi-gedərdi.

Gozlərimdə röya qalır,
Könlümdə boş xülya qalır.
Biz gedirik, dünya qalır,
Daha nə qəmi, nə dərdi.

Həyat tablo, fonunda biz,
Qəmin qara donunda biz.
Köç edirik sonunda biz,
Bu yazılmış bir qədərdi.

Gözlərini dik gözümə,
Öləziyən od-közümə.
Di söylə mənim özümə,
-“Dünya, borcum nə qədərdi?!”