Bizim musiqi Şiiri - Sevinc Arzulu

DOğma,əzizdir,
Su tək təmizdir.
Mavi dənizdir,
Bizim musiqı.

REklam nə lazım,
Baharım,yazım.
Kamanım,sazım,
Bizim musiqi.

Mİn lad oxuyar,
Ətir qoxuyar.
Çələng toxuyar,
Bizim musiqi.

FAteh tək durar,
Göyə baş vurar.
Qəlbdə yurd qurar,
Bizim musiqi.

SOLmaz çıçəkdir,
Arzu, diləkdir.
Dünyada təkdir,
Bizim musiqi.

LYAsı layla,
Mərdliyə haylar.
Bol sevinc paylar,
Bizim musiqi.

SIlinməz qəlbdən,
Doğular təbdən.
Düşməz heç dəbdən,
Bizim musiqi.