Biz Ol Uşşak-ı Şiiri - Somuncu Baba

Biz ol uşşâk-ı serbâzuz
Akıl rüşd bize yâr olmaz
Meyl-i ışk ile sermestüz
Bize hergiz humâr olmaz

Bizüm gülşendeki güller
Dururlar taze solmazlar
Hazân olup dökülmezler
Zemistân ü bahâr olmaz

Diriyüz dâim ölmeyüz
Karanularda kalmayuz
Çürüyüp toprak olmayuz
Bize neyl ü nehâr olmaz

Şarâb-ı ışkı çün içdük
Ferâgat mülkine göçdük
Yanup ışkunla tutuşduk
Bize tahrîk-i bâl olmaz

Bizüm illerde ay ü gün
Sebât üzre durur dâim
Televvün irişüp ana
Gehi bedr ü hilâl olmaz

İrelden şems nûrına
Vücûdum zerreden katra
Ne katra ayn-ı bahr oldı
Ana ka’r ü kenar olmaz

Bırak ey Hâmidâ vârı
Görem dirsen sen ol yârı
Göricek ol tecellâyı
Andan özge kemâl olmaz