Bitdi mehebbet Şiiri - Sevinc Arzulu

Sevdalı baxışlar qəfil görüşdü ,
Həsrət vüsal ilə göydə döyüşdü.
Qəlbimə sevginin toxumu düşdü,
Könlümdə çiçək tək bitdi məhəbbət.

Məni ağıllıdan ağıllı etdi,
Ömrümü sehirli, nağıllı etdi.
Bəs nədən sonunda paxıllıq etdi,
Həsrətin kamına yetdi məhəbbət.

Oxşatma gəl gülüm,xəzələ məni,
Bənzət həzin şeirə,qəzələ məni.
Uyaraq başqa bir gözələ ,məni
Dünyada tək qoyub getdi məhəbbət.
Məni Qeys Leylisi etdi məhəbbət.