Bîra Bı Gunidı(kanlı Kuyuda)

​Sêwereg de, Bîra gunıdê, boynê darê tûyê de,
Kirsiyek eşt, ronışta
Bi kulê zerrê xo, min kilamekê vata,
Min va mebermê, mebermê, meberme,
Min va meberme u ez berma,
Min zerrê xo dax kerd,
Ez nêşên vaji nêberma, ez berma.
Waştişê qêrayîşê mi ame,
Nê kesî ez pêhesya, nê kesî ez fam kerda,
Ez agêra xo, mı dî ke yê ke bermeno ez o.
Verê qandeyî, dima kîteyî u dima zi herfî min qut kerdî,
Min "ez" zerrê "mi" de rakerd.
Pelê tûyê ju bı ju rîşîyay mi ser,
Seba ke nêrîşîyê, min pelî lızgeyî ser de tepıştî.
Wina daliqîyaye mawa lızgeyê darê tûyê de,
Lızgeyê tûyê de, min xo vira kerd.
Ez nêqisîya, ez bêveng maya, min ziwanê xo qut kerd,
Min nîya da ke tû berme, ruhê mi şil bi,
Bi adirê zerrê xo min o hişk kerd.
Min hêsirê xo girt binerê tûyê de,
Ya tû mi rê bi hêvî, ya zi ez tûyê rê bîya hêvî.