Bir de Ay Şiiri - Sevinc Arzulu

O nədir ki gecə-gündüz yatmayar,
Rəvayət çox,heç ağıla batmayar.
Bu dünyada insan əli çatmayan,
Bir Günəşdir,bir ulduzdur,bir də Ay.

Bəlkə daha nurlu imiş öncələr,
Bilirsənmi harda yatıb dincələr.
Həmdəmimdir ol qaranlıq gecələr,
Gah aypara,gah da olar girdə Ay.

Al günəşdən qara işıq saçılmaz,
Nə taledən.nə qismətdən qaçılmaz.
Neçə-neçə əsr keçsə açılmaz,
Gizlənibdir bulud kimi sirrdə Ay.